Call email facebook Sitemap

RA am

ՀայերենРусский
Announcements Press release 16 ԸՆԿԵՐՈՒԹՅՈՒՆՆԵՐ ՆԱԽԱԶԳՈՒՇԱՑՎԵԼ ԵՆ, ԵՐԿՈՒՍԻ ՆԿԱՏՄԱՄԲ ԿԻՐԱՌՎԵԼ ԵՆ ՏՈՒԳԱՆՔՆԵՐ
There are no translations available.

ՀՀ հանրային ծառայությունները կարգավորող հանձնաժողովի 2018 թվականի մայիսի 30-ին հրավիրված նիստում քննարկվել են թվով 16 ընկերություններին նախազգուշացնելու և երկու ընկերության նկատմամբ տուգանք կիրառելու մասին հարցերը:
Ընկերությունները, հանձնաժողովի իրավական ակտերով սահմանված պահանջներին համապատասխան, մինչև սույն թվականի ապրիլի 20-ը հանձնաժողով պետք է ներկայացնեին 2017 թվականի տարեկան արդյունքներով լրացված ֆինանսական հաշվետվությունները և տեղեկատվությունները: Սահմանված ժամկետի խախտմամբ հաշվետվությունները հանձնաժողով ներկայացրած թվով 18 ընկերությունների նկատմամբ հարուցվել էր վարչական վարույթ՝ հանձնաժողովի իրավական ակտերով սահմանված ժամկետի խախտման փաստն ուսումնասիրելու նպատակով: Վարույթի շրջանակներում 14 ընկերություններ ընդհանրապես որևէ հիմնավորում կամ փաստարկ չեն ներկայացրել, իսկ մնացած 4 ընկերությունների կողմից ներկայացված փաստարկները կրել են տեխնիկական բնույթ, և այդ ընկերություններն, ըստ էության, ընդունել են հանձնաժողովի իրավական ակտով սահմանված ժամկետի խախտման փաստը:
Ելնելով այն փաստից, որ նշված ընկերություններից երկուսը մեկ տարվա ընթացքում երկրորդ անգամ են խախտել հաշվետվությունների և տեղեկատվությունների ներկայացման՝ հանձնաժողովի կողմից սահմանված ժամկետները, հաշվի առնելով «Էներգետիկայի մասին» ՀՀ օրենքով (42-րդ հոդվածի 5-րդ մասի «գ» կետով և 6-րդ մասով) սահմանված իրավակարգավորումները՝ քննարկման արդյունքում որոշվեց նշված ընկերությունների նկատմամբ կիրառել տուգանք՝ 250 000-ական ՀՀ դրամի չափով: Մնացած 16 ընկերություններին հանձնաժողովը որոշեց նախազգուշացնել:

ՀՀ հանրային ծառայությունները կարգավորող հանձնաժողով

Links

gov  3-1 veolia   gazprom-armenia logo-arm conference banner rus 


Հայաստանի Հանրապետության Հանրային Ծառայությունները Կարգավորող հանձնաժողով
© 1997-2014, Հեղինակային իրավունքները պաշտպանված են: