Սույն թվականի օգոստոսի 9-ին «Վեոլիա Ջուր» ՓԲԸ-ն ՀՀ հանրային ծառայությունները կարգավորող հանձնաժողով է ներկայացրել խմելու ջրի մատակարարման և ջրահեռացման (կեղտաջրերի մաքրման) ծառայությունների մատուցման 2025թ. սակագների ճշգրտման հայտ, որն ընդունվել է ուսումնասիրության։

Հանձնաժողովը, ուսումնասիրելով և քննարկելով լիցենզավորված անձի կողմից ներկայացված հաշվարկը և հիմնավորող անհրաժեշտ փաստաթղթերը, իր իրավասության շրջանակում որոշում է ընդունում հայտի փաթեթը հանձնաժողով ներկայացնելուց հետո՝ 80 աշխատանքային օրվա ընթացքում:

Հիշեցնենք, որ բազիսային սակագները ենթարկվում են ճշգրտման` հաշվի առնելով հետևյալ գործոնները.

1) մանրածախ ջրամատակարարման ծավալը,

2) սղաճը,

3) «Վեոլիա Ջուր» ՓԲԸ-ին մատակարարվող էլեկտրաէներգիայի սակագների փոփոխությունը,

4) ջրային համակարգն այլ նպատակներով օգտագործելուց և խմելու ջուրը ոռոգման նպատակով մատակարարելուց ստացվող լրացուցիչ հասույթով պայմանավորված նվազեցումը։

Հայտի մանրամասներին և սակագների ճշգրտման հայտով հանձնաժողով ներկայացված փաստաթղթերին կարող եք ծանոթանալ ստորև.

1. դիմում, 

2. հայտարարություն,

3. սակագների հաշվարկ (Ձև 4-2),

4. փաստացի ջրամատակարարման ծավալների և այլ եկամուտների վերաբերյալ տեղեկատվություն (Ձև 5-3),

5. սպառողական գների ինդեքսը,

6. գնված էլեկտրաէներգիայի միջին սակագնի հաշվարկ: