Հանձնաժողովի անդամներ Կամո Սարգսյանը և Արա Նռանյանը մասնակցել են Ջրի եվրոպական կարգավորողների համաժողովին
ՀՀ հանրային ծառայությունները կարգավորող հանձնաժողովի անդամներ Կամո Սարգսյանը և Արա Նռանյանը սույն թվականի դեկտեմբերի 5-6-ը Բրյուսել քաղաքում մասնակցել են Ջրի եվրոպական կարգավորողների (WAREG) 30-րդ ընդհանուր ժողովին և Ջրային ծառայությունների կարգավորման Եվրոպական 3-րդ համաժողովին։
Եվրոպական 3-րդ համաժողովի քննարկման հիմնական թեմաններն էին խմելու ջրի և կեղտաջրերի մաքրման տնտեսական կարգավորումը, տնտեսական և սոցիալական հետևանքները ջրային ոլորտում, ինչպես նաև ջրային անվտանգությունը։
Ջրի եվրոպական կարգավորողների (WAREG) 30-րդ ընդհանուր ժողովի ընթացքում քննարկվել են նաև WAREG-ի կողմից 2023 թվականին իրականացված աշխատանքները, հաստատվել է WAREG 29-րդ ընդհանուր ժողովի արձանագրությունը, 2024 թվականի աշխատանքային ծրագիրը, ինչպես նաև ներկայացվել են Եվրոպական միության անդամ պետությունների կողմից ջրային ոլորտի զարգացմանն ուղղված քայլերը։
![](/uploads/page_content/3777/3793e1d6b34dbdb78308430956bd3559.jpg)
![](/uploads/page_content/3777/6c1cb2f8dcc826f6fc0b1f940640d15c.jpg)
![](/uploads/page_content/3777/4731585f00f0479aafc7776833e98fea.jpg)