ՀՀ հանրային ծառայությունները կարգավորող հանձնաժողովում հյուրընկալվեցին Կենտրոնական Ասիայի էներգետիկայի կարգավորողների գործընկերության անդամները (CAERP), ովքեր մասնակցում են ԱՄՆ միջազգային զարգացման գործակալության (USAID) և ԱՄՆ հանրային ծառայությունները կարգավորող հանձնաժողովների անդամների ազգային ասոցիացիայի (NARUC) աջակցությամբ կազմակերպված էլեկտրաէներգետիկական համակարգում սպասարկման որակի վերաբերյալ աշխատաժողովին։ Նրանք մասնակցեցին հանձնաժողովի նիստին, որոնց հաջորդեցին հարց ու պատասխաններ:

Կենտրոնական Ասիայի էներգետիկայի կարգավորողների համագործակցության շրջանակում ճանաչողական այցին մասնակցում էին Ղազախստանի, Ղրղզստանի, Տաջիկստանի, Ուզբեկստանի ազգային կարգավորող մարմինների և նախարարությունների, USAID և NARUC ներկայացուցիչներ, ինչպես նաև մի շարք տարածաշրջանային փորձագետներ։