Հանձնաժողովի նախագահը մեկնել է Բուխարեստ
Հանրային ծառայությունները կարգավորող հանձնաժողովի նախագահ Գարեգին Բաղրամյանը սույն թվականի հոկտեմբերի 12-ին մասնակցել է Ռումինիայի Բուխարեստ քաղաքում անցկացվող Հեռահաղորդակցության միջազգային միության (ITU) լիազոր կոնֆերանսի շրջանակում կազմակերպվող, Եվրոպական միության արևելյան գործընկերության էլեկտրոնային հաղորդակցության ոլորտը կարգավորող մարմինների ցանցի (EaPeReg) ղեկավարության և ITU նոր ընտրված և վերընտրված պաշտոնյաների հետ հանդիպմանը։
Նշյալ հանդիպումը նախաձեռնվել է ՀՀ հանրային ծառայությունները կարգավորող հանձնաժողովի կողմից, որպես Եվրոպական միության արևելյան գործընկերության էլեկտրոնային հաղորդակցության ոլորտը կարգավորող մարմինների ցանցի (EaPeReg) 2022 թվականի նախագահող:
Հանդիպման հիմնական նպատակն է քննարկել EaPeReg ցանցի և ITU միջև ստորագրված փոխըմբռնման հուշագրի շրջանակում իրականացվող գործողությունները և հետագա համագործակցությունը։ Միևնույն ժամանակ, տեղի է ունեցել հանդիպում EU4Digital նախաձեռնության փորձագետների հետ՝ հետագա 3 տարիների ընթացքում իրականացվելիք աշխատանքները, առաջնահերթությունները և EaPeReg ցանցի անդամ երկրների ակնկալիքները քննարկելու նպատակով:
![](/uploads/page_content/2156/21a571e5153234585422cfa2b2a65c43.jpg)
![](/uploads/page_content/2156/774ff3ce568adbb6314225b770b77c8f.jpg)
![](/uploads/page_content/2156/3b08b8f067d528af4e0192ddb16b1d5c.jpg)