ՀԱՆՁՆԱԺՈՂՈՎՆ ԸՆԴՈՒՆԵԼ Է «ՎԵՈԼԻԱ ՋՈՒՐ» ՓԲԸ-Ի ՏՆՕՐԵՆՆԵՐԻ ԽՈՐՀՐԴԻ ՆԱԽԱԳԱՀ ԼՈՒԻԶ ՀԱՆԱՆԻԱՅԻ ԳԼԽԱՎՈՐԱԾ ՊԱՏՎԻՐԱԿՈՒԹՅԱՆԸ
ՀՀ հանրային ծառայությունները կարգավորող հանձնաժողովի անդամները՝ ի դեմս հանձնաժողովի նախագահ Գարեգին Բաղրամյանի ընդունել են «Վեոլիա ջուր» ՓԲԸ-ի տնօրենների խորհրդի նախագահ Լուիզ Հանանիայի գլխավորած պատվիրակությանը և Հայաստանում «Վեոլիա ջուր» ՓԲԸ-ի գլխավոր տնօրեն Մարիաննա Շահինյանին։
Կողմերը քննարկեցին «Վեոլիա Ջուր» ընկերության ջրամատակարարման ծավալների, ընկերության հասույթի և ծախսերին առնչվող հարցեր։
Հանդիպման ժամանակ քննարկվեց նաև էլեկտրաէներգետիկական ազատ շուկայից «Վեոլիա ջուր» ՓԲԸ-ի կողմից էլեկտրաէներգիա գնելու հնարավորությունը, ինչը նախապայմաններ կստեղծի հետագայում մեղմել էլեկտրաէներգիայի արժեքի ազդեցությունը խմելու ջրի սակագնի վրա։
Նախագահը և Լուիզ Հանանիան վերահաստատեցին իրենց պատրաստակամությունը շարունակել համատեղ արդյունավետ աշխատանքը՝ հետագա համագործակցության հեռանկարների, ջրային ոլորտում առկա խնդիրների կարգավորման, արդյունավետ լուծումներ գտնելու և նախատեսված ցուցնիշներն ապահովելու համար։
![](/uploads/page_content/3172/505afe528c78ac28d3fc008dbbacef0a.jpg)
![](/uploads/page_content/3172/f43530548c4ff8bce4978dd011cb0a0b.jpg)
![](/uploads/page_content/3172/ec6ba3e9002f9f53fc14115bd0bcc30d.jpg)
![](/uploads/page_content/3172/c8bc4c48d4de9a6b054dcff345779bf3.jpg)
![](/uploads/page_content/3172/380d82ab645ff734e30b5338fb050e62.jpg)