Որոշում № 396 Ա (Մայր փաստաթուղթ)

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՆՐԱՅԻՆ ԾԱՌԱՅՈՒԹՅՈՒՆՆԵՐԸ ԿԱՐԳԱՎՈՐՈՂ ՀԱՆՁՆԱԺՈՂՈՎԻ ՄԻ ՇԱՐՔ ՈՐՈՇՈՒՄՆԵՐՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄ ԿԱՏԱՐԵԼՈՒ ՈՒ ՄԻ ՇԱՐՔ ՈՐՈՇՈՒՄՆԵՐ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

Բովանդակություն

600.0396.15.11․23

 

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՀԱՆՐԱՅԻՆ ԾԱՌԱՅՈՒԹՅՈՒՆՆԵՐԸ ԿԱՐԳԱՎՈՐՈՂ ՀԱՆՁՆԱԺՈՂՈՎ

 

Ո Ր Ո Շ ՈՒ Մ

 

15 նոյեմբերի 2023 թվականի №396-Ա

ք. Երևան

 

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՆՐԱՅԻՆ ԾԱՌԱՅՈՒԹՅՈՒՆՆԵՐԸ ԿԱՐԳԱՎՈՐՈՂ ՀԱՆՁՆԱԺՈՂՈՎԻ
ՄԻ ՇԱՐՔ ՈՐՈՇՈՒՄՆԵՐՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄ ԿԱՏԱՐԵԼՈՒ
ՈՒ ՄԻ ՇԱՐՔ ՈՐՈՇՈՒՄՆԵՐ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

 

 

Հիմք ընդունելով «Էլեկտրոնային հաղորդակցության մասին» օրենքի 5-րդ հոդվածի
1-ին մասի 2-րդ կետի «ժդ» ենթակետը, 3-րդ կետը, 13-րդ հոդվածը, «Նորմատիվ իրավական ակտերի մասին» օրենքի 1-ին հոդվածի 2-րդ մասը, 33-րդ, 34-րդ, 37-րդ հոդվածները, «Հանրային ծառայությունները կարգավորող մարմնի մասին» օրենքի 19-րդ հոդվածի 2-րդ մասը, Հայաստանի Հանրապետության հանրային ծառայությունները կարգավորող հանձնաժողովի (այսուհետ՝ Հանձնաժողով) 2011 թվականի ապրիլի 13-ի №169Ն, մայիսի 11-ի №231Ն, 2013 թվականի հուլիսի 31-ի №272Ն, 2014 թվականի հուլիսի 2-ի №235Ն որոշումները և հաշվի առնելով «ՅՈՒՔՈՄ» փակ բաժնետիրական ընկերության (այսուհետ՝ Ընկերություն) 2022 թվականի նոյեմբերի 23‑ի №1040 և նոյեմբերի 25-ի №1060 գրությունները և ռադիոռելեային կապի գծերի, անլար հասանելիության ամրակցված լայնաշերտ կապի ցանցերի կազմակերպման համար Ընկերությանը տրամադրված ռադիոհաճախականությունների հատվածները և համարային ռեսուրսները միասնական թույլտվություններում միավորելու նպատակահարմարությունը՝ Հանձնաժողովը որոշում է.

  1. Երկարաձգել Հանձնաժողովի՝

    1)     2007 թվականի դեկտեմբերի 28-ի №687Ա որոշմամբ «ԱՅՔԱՆ ՔՈՄՈՒՆԻՔԵՅՇՆՍ» փակ բաժնետիրական ընկերությանը տրամադրված և 2020 թվականի հունվարի 24-ի №14Ա որոշմամբ Ընկերության անվամբ վերաձևակերպված ռադիոհաճախականությունների հատվածների օգտագործման №0296 թույլտվության գործողության ժամկետը՝ որոշման 1-ին կետում «մինչև 2023 թվականի նոյեմբերի 19-ը» բառերը փոխարինելով «մինչև 2033 թվականի նոյեմբերի 19-ը» բառերով, իսկ հավելվածը շարադրել նոր խմբագրությամբ՝ համաձայն №1 հավելվածի,

    2)     2008 թվականի հունիսի 25-ի №328Ա որոշմամբ «ԱՅՔԱՆ ՔՈՄՈՒՆԻՔԵՅՇՆՍ» փակ բաժնետիրական ընկերությանը տրամադրված և 2020 թվականի հունվարի 24-ի №14Ա որոշմամբ Ընկերության անվամբ վերաձևակերպված ռադիոհաճախականությունների հատվածի օգտագործման №0390 թույլտվության գործողության ժամկետը՝ որոշման 1-ին կետում «մինչև 2023 թվականի նոյեմբերի 19-ը» բառերը փոխարինելով «մինչև 2033 թվականի նոյեմբերի 19-ը» բառերով, իսկ հավելվածը շարադրել նոր խմբագրությամբ՝ համաձայն №2 հավելվածի,

    3)     2008 թվականի նոյեմբերի 19-ի №635Ա որոշմամբ (այսուհետ՝ Որոշում) «ՖՏԱ ՏԵԼԵԿՈՄ» փակ բաժնետիրական ընկերությանը տրամադրված և 2020 թվականի հունվարի 24-ի №14Ա որոշմամբ Ընկերության անվամբ վերաձևակերպված հանրային էլեկտրոնային հաղորդակցության ցանցի (ցանցի շահագործման) №0479 լիցենզիայի, ռադիոհաճախականությունների հատվածների օգտագործման №0480 թույլտվության և համարների զբաղեցման թույլտվության գործողության ժամկետները՝

ա․ Որոշման 1-ին կետի 1-ին ենթակետում «15 տարի» բառերը փոխարինելով «մինչև 2038 թվականի նոյեմբերի 19-ը» բառերով,

բ․ Որոշման 1-ին կետի 2-րդ ենթակետում և №2 հավելվածում «մինչև 2023 թվականի նոյեմբերի 19-ը» բառերը փոխարինելով «մինչև 2033 թվականի նոյեմբերի 19-ը» բառերով,

գ. Որոշման 1-ին կետի 3-րդ ենթակետը շարադրելով հետևյալ խմբագրությամբ․

«3) սույն որոշման №3․1 հավելվածով սահմանված համարների և կոդերի զբաղեցման թույլտվություն՝ մինչև 2033 թվականի նոյեմբերի 19-ը գործողության ժամկետով։»,

դ․ Որոշման 2-րդ կետի 3-րդ ենթակետը շարադրելով հետևյալ խմբագրությամբ․

«3) համարների և կոդերի զբաղեցման թույլտվության պայմանները (հավելված №3)։»,

ե․ Որոշման №1 և №3 հավելվածները շարադրել նոր խմբագրությամբ՝ համաձայն №3 և №4 հավելվածների,

զ․ Որոշումը լրացնել №3․1 հավելվածով՝ համաձայն №5 հավելվածի,

4) 2009 թվականի մարտի 26-ի №127Ա որոշմամբ «ԱԱՏՎՔ» փակ բաժնետիրական ընկերությանը տրամադրված և 2020 թվականի հունվարի 24-ի №14Ա որոշմամբ Ընկերության անվամբ վերաձևակերպված ռադիոհաճախականությունների օգտագործման №0535 թույլտվության գործողության ժամկետը՝ որոշման 1-ին կետում և հավելվածում «մինչև 2023 թվականի նոյեմբերի 19-ը» բառերը փոխարինելով «մինչև 2033 թվականի նոյեմբերի 19-ը» բառերով,

5) 2009 թվականի դեկտեմբերի 29-ի №846Ա որոշմամբ «ՕՐԱՆԺ ԱՐՄԵՆԻԱ» փակ բաժնետիրական ընկերությանը տրամադրված և 2020 թվականի հունվարի 24-ի №14Ա որոշմամբ Ընկերության անվամբ վերաձևակերպված ռադիոհաճախականությունների օգտագործման №0697 թույլտվության գործողության ժամկետը՝ որոշման 1-ին կետում «մինչև 2023 թվականի նոյեմբերի
19-ը» բառերը փոխարինելով «մինչև 2033 թվականի նոյեմբերի 19-ը» բառերով, իսկ հավելվածը շարադրել նոր խմբագրությամբ՝ համաձայն №6 հավելվածի։

  1. Ուժը կորցրած ճանաչել Հանձնաժողովի՝

    1)     2007 թվականի նոյեմբերի 6-ի «Առաքինի ընկեր» սահմանափակ պատասխանատվությամբ ընկերությանը ռադիոհաճախականությունների հատվածի օգտագործման թույլտվություն տրամադրելու մասին» №503Ա որոշումը,

    2)     2007 թվականի նոյեմբերի 23-ի «Ջի Էյջ Էյ Դիվելփմենթ Քամփնի» սահմանափակ պատասխանատվությամբ ընկերությանը ռադիոհաճախականությունների հատվածի օգտագործման թույլտվություն տրամադրելու մասին» №591Ա որոշումը,

    3)     2008 թվականի դեկտեմբերի 3-ի «ԱՅՔԱՆ ՔՈՄՈՒՆԻՔԵՅՇՆՍ» փակ բաժնետիրական ընկերությանը ռադիոհաճախականությունների օգտագործման թույլտվություն տրամադրելու մասին» №664Ա որոշումը,

    4)     2009 թվականի մարտի 25-ի «ԱԱՏՎՔ» փակ բաժնետիրական ընկերությանը հանրային ամրակցված հեռախոսային ցանցի ոչ աշխարհագրական կոդի և համարների զբաղեցման թույլտվություն տրամադրելու մասին» №121Ա որոշումը,

    5)     2009 թվականի օգոստոսի 26-ի «ԱՅՔԱՆ ՔՈՄՈՒՆԻՔԵՅՇՆՍ» փակ բաժնետիրական ընկերությանը ռադիոհաճախականությունների օգտագործման թույլտվություն տրամադրելու մասին» №530Ա որոշումը,

    6)     2009 թվականի հոկտեմբերի 21-ի «ԱՅՔԱՆ ՔՈՄՈՒՆԻՔԵՅՇՆՍ» փակ բաժնետիրական ընկերությանը ռադիոհաճախականությունների օգտագործման թույլտվություն տրամադրելու մասին» №659Ա որոշումը,

    7)     2009 թվականի դեկտեմբերի 2-ի «ԻՆՏԵՐԱԿՏԻՎ ԹԻՎԻ» սահմանափակ պատասխանատվությամբ ընկերությանը հանրային ամրակցված հեռախոսային ցանցի միջազգային ազդակների հանգույցի կոդի, ոչ աշխարհագրական կոդի և համարների զբաղեցման թույլտվություն տրամադրելու մասին» №777Ա որոշումը,

    8)     2010 թվականի փետրվարի 10-ի «ՕՐԱՆԺ ԱՐՄԵՆԻԱ» փակ բաժնետիրական ընկերությանը ռադիոհաճախականությունների հատվածների օգտագործման թույլտվություն տրամադրելու մասին» №24Ա որոշումը,

    9)     2010 թվականի ապրիլի 7-ի «ՅՈՒՔՈՄ» սահմանափակ պատասխանա-տվությամբ ընկերությանը հանրային ամրակցված հեռախոսային ցանցի միջազգային ազդակների հանգույցի կոդի, ոչ աշխարհագրական կոդի եվ համարների զբաղեցման թույլտվություն տրամադրելու մասին» №167Ա որոշումը,

    10)     2010 թվականի նոյեմբերի 17-ի «ՕՐԱՆԺ ԱՐՄԵՆԻԱ» փակ բաժնետիրական ընկերությանը ռադիոհաճախականությունների հատվածների օգտագործման թույլտվություն տրամադրելու մասին» №636Ա որոշումը,

    11)     2010 թվականի դեկտեմբերի 8-ի «ՕՐԱՆԺ ԱՐՄԵՆԻԱ» փակ բաժնետիրական ընկերությանը ռադիոհաճախականությունների հատվածների օգտագործման թույլտվություն տրամադրելու մասին» №700Ա որոշումը,

    12)     2011 թվականի դեկտեմբերի 7-ի «ՕՐԱՆԺ ԱՐՄԵՆԻԱ» փակ բաժնետիրական ընկերությանը ռադիոհաճախականությունների հատվածների օգտագործման թույլտվություն տրամադրելու մասին» №565Ա որոշումը,

    13)     2012 թվականի հուլիսի 18-ի «ՕՐԱՆԺ ԱՐՄԵՆԻԱ» փակ բաժնետիրական ընկերությանը հանրային ամրակցված հեռախոսային ցանցի ոչ աշխարհագրական կոդի և համարների զբաղեցման թույլտվություն տրամադրելու մասին» №271Ա որոշումը,

    14)     2012 թվականի դեկտեմբերի 20-ի «ՅՈՒՔՈՄ» սահմանափակ պատասխանատվությամբ ընկերությանը հանրային ամրակցված հեռախոսային ցանցի տարածաշրջանային կոդերի եվ համարների զբաղեցման թույլտվություն տրամադրելու մասին» №540Ա որոշումը,

    15)     2012 թվականի դեկտեմբերի 27-ի «ՕՐԱՆԺ ԱՐՄԵՆԻԱ» փակ բաժնետիրական ընկերությանը ռադիոհաճախականությունների հատվածների օգտագործման թույլտվություն տրամադրելու մասին» №549Ա որոշումը,

    16)     2013 թվականի փետրվարի 6-ի «ՅՈՒՔՈՄ» սահմանափակ պատասխանատվու-թյամբ ընկերությանը հատուկ ծառայության կոդի զբաղեցման թույլտվություն տրամադրելու մասին» №22Ա որոշումը,

    17)     2013 թվականի ապրիլի 10-ի «ՅՈՒՔՈՄ» սահմանափակ պատասխանատվությամբ ընկերությանը համարի զբաղեցման թույլտվություն տրամադրելու մասին» №110Ա որոշումը,

    18)     2013 թվականի դեկտեմբերի 4-ի «ՕՐԱՆԺ ԱՐՄԵՆԻԱ» փակ բաժնետիրական ընկերությանը ռադիոհաճախականությունների հատվածների օգտագործման թույլտվություն տրամադրելու մասին» №428Ա որոշումը,

    19)     2013 թվականի դեկտեմբերի 25-ի «ՕՐԱՆԺ ԱՐՄԵՆԻԱ» փակ բաժնետիրական ընկերությանը ռադիոհաճախականությունների հատվածների օգտագործման թույլտվություն տրամադրելու մասին» №465Ա որոշումը,

    20)     2015 թվականի հունվարի 21-ի «ՕՐԱՆԺ ԱՐՄԵՆԻԱ» փակ բաժնետիրական ընկերությանը ռադիոհաճախականությունների և ռադիոհաճախականությունների հատվածների օգտագործման թույլտվություն տրամադրելու մասին» №10Ա որոշումը,

    21)     2015 թվականի օգոստոսի 26-ի «ՅՈՒՔՈՄ» սահմանափակ պատասխանատվությամբ ընկերությանը համարների զբաղեցման թույլտվություն տրամադրելու մասին» №308Ա որոշումը,

    22)     2016 թվականի հունվարի 20-ի «ՕՐԱՆԺ ԱՐՄԵՆԻԱ» փակ բաժնետիրական ընկերությանը ռադիոհաճախականությունների հատվածների օգտագործման թույլտվություն տրամադրելու մասին» №4Ա որոշումը,

    23)     2017 թվականի մայիսի 24-ի «ՅՈՒՔՈՄ» սահմանափակ պատասխանատվությամբ ընկերությանը կարճ կոդով ծառայությունների համարների զբաղեցման թույլտվություն տրամադրելու մասին» №200Ա որոշումը։
  1. Սույն որոշումն ուժի մեջ մտնելու պահից երեսնօրյա ժամկետում կարող է բողոքարկվել Հանձնաժողով կամ երկամսյա ժամկետում՝ Հայաստանի Հանրապետության վարչական դատարան, և դրա բողոքարկումը չի կասեցնում որոշման գործողությունը կամ կատարումը։

  2. Սույն որոշումն ուժի մեջ է մտնում 2023 թվականի նոյեմբերի 19-ից:

 

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՆՐԱՅԻՆ
     ԾԱՌԱՅՈՒԹՅՈՒՆՆԵՐԸ ԿԱՐԳԱՎՈՐՈՂ
             ՀԱՆՁՆԱԺՈՂՈՎԻ ՆԱԽԱԳԱՀ՝                  Գ. ԲԱՂՐԱՄՅԱՆ

 

 

 ք.Երևան
15 նոյեմբերի 2023 թ․