ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԷՆԵՐԳԵՏԻԿԱՅԻ

ՀԱՆՁՆԱԺՈՂՈՎ

ՈՐՈՇՈՒՄ

31 օգոստոսի 1998 թվականի №41

ք. Երևան

ՀՀ էներգետիկայի բնագավառի էլեկտրական էներգիայի
(հզորության) արտադրության և բաշխման լիցենզիաների մասին

Ղեկավարվելով «Էներգետիկայի մասին» Հայաստանի Հանրապետության օրենքի 36 հոդվածով, Հայաստանի Հանրապետության էներգետիկայի հանձնաժողովը որոշում է՝

1. Հաստատել Հայաստանի Հանրապետության էներգետիկայի բնագավառի էլեկտրական էներգիայի (հզորության) արտադրության լիցենզիայի ձևը և լիցենզիայով սահմանվող՝ գործունեություն իրականացնելու հիմնական պայմանները (հավելված 1)։
2. Հաստատել Հայաստանի Հանրապետության էներգետիկայի բնագավառի էլեկտրական էներգիայի (հզորության) բաշխման լիցենզիայի ձևը և լիցենզիայով սահմանվող՝ գործունեություն իրականացնելու հիմնական պայմանները (հավելված 2)։
3. Սահմանել, որ լիցենզավորման ընթացքում, տնտեսավարող սուբյեկտների կողմից հանձնաժողով ներկայացված փաստաթղթերի ուսումնասիրությունների և վերլուծությունների հիման վրա, հանձնաժողովը  կարող է տվյալ լիցենզիայի մեջ համապատասխան փոփոխություններ և  լրացումներ կատարել։

ՀՀ էներգետիկայի հանձնաժողովի
                  նախագահ՝                                         Վ․ Մովսեսյան