Որոշում № 391 Ա (Մայր փաստաթուղթ)

«ԱՐՄԵՆՏԵԼ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆԸ ՀԱՆՐԱՅԻՆ ԱՄՐԱԿՑՎԱԾ ՀԵՌԱԽՈՍԱՅԻՆ ՑԱՆՑԻ ՈՉ ԱՇԽԱՐՀԱԳՐԱԿԱՆ ԿՈԴԵՐԻ ԵՎ ՀԱՄԱՐՆԵՐԻ ԶԲԱՂԵՑՄԱՆ ԹՈՒՅԼՏՎՈՒԹՅՈՒՆ ՏՐԱՄԱԴՐԵԼՈՒ ՄԱՍԻՆ

Բովանդակություն

600.0391.25.11․15

 

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՀԱՆՐԱՅԻՆ ԾԱՌԱՅՈՒԹՅՈՒՆՆԵՐԸ ԿԱՐԳԱՎՈՐՈՂ ՀԱՆՁՆԱԺՈՂՈՎ

 

ՈՐՈՇՈՒՄ

 

25 նոյեմբերի 2015 թվականի №391Ա

ք. Երևան

 

 

«ԱՐՄԵՆՏԵԼ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆԸ ՀԱՆՐԱՅԻՆ ԱՄՐԱԿՑՎԱԾ
ՀԵՌԱԽՈՍԱՅԻՆ ՑԱՆՑԻ ՈՉ ԱՇԽԱՐՀԱԳՐԱԿԱՆ ԿՈԴԵՐԻ ԵՎ ՀԱՄԱՐՆԵՐԻ
ԶԲԱՂԵՑՄԱՆ ԹՈՒՅԼՏՎՈՒԹՅՈՒՆ ՏՐԱՄԱԴՐԵԼՈՒ ՄԱՍԻՆ

 

Հիմք ընդունելով «Էլեկտրոնային հաղորդակցության մասին» Հայաստանի Հանրապետության օրենքի 5-րդ հոդվածի 1-ին մասի 1-ին կետի «դ» և 2-րդ կետի «ժդ» ենթակետերը, 42-րդ հոդվածը, ինչպես նաև Հայաստանի Հանրապետության հանրային ծառայությունները կարգավորող հանձնաժողովի 2007 թվականի օգոստոսի 24-ի №339Ն և 2014 թվականի հուլիսի 2-ի №235Ն որոշումները` Հայաստանի Հանրապետության հանրային ծառայությունները կարգավորող հանձնաժողովը որոշում է.

  1. Թույլատրել «ԱրմենՏել» փակ բաժնետիրական ընկերությանը Հայաստանի Հանրապետության տարածքում զբաղեցնելու հանրային ամրակցված հեռախոսային ցանցի «6083, 6084, 6085» ոչ աշխարհագրական կոդերը և նրանց «xxxx» համարային շարքերը:
  2. Հաստատել «ԱրմենՏել» փակ բաժնետիրական ընկերությանը տրամադրված Հայաստանի Հանրապետության տարածքում ոչ աշխարհագրական կոդերի և համարների զբաղեցման թույլտվության պայմանները (հավելված):
  3. Ընդունել ի գիտություն, որ սույն որոշման 1-ին կետում նշված ոչ աշխարհագրական կոդերի և նրանց համարային շարքերի՝

1) օգտագործման հետևանքով «ԱրմենՏել» փակ բաժնետիրական ընկերության հանրային էլեկտրոնային հաղորդակցության ամրակցված ցանցի բաժանորդների՝ աշխարհագրական կոդով համարներից դեպի ոչ աշխարհագրական կոդով համարներ հոսքի արդյունքում հնարավոր վնասների ռիսկը կրում է «ԱրմենՏել» փակ բաժնետիրական ընկերությունը,

2) օգտագործմամբ մատուցվող ծառայությունները ենթակա չեն սակագնային կարգավորման մինչև 2017 թվականի հունվարի 1-ը, իսկ այդ ժամկետից հետո սակագնային կարգավորման հարցերին Հայաստանի Հանրապետության հանրային ծառայությունները կարգավորող հանձնաժողովը կանդրադառնա «ԱրմենՏել» փակ բաժնետիրական ընկերության կողմից ներկայացված տեղեկատվությունների ուսումնասիրության և վերլուծության արդյունքում:

  1. Սույն որոշումն ուժի մեջ է մտնում ստորագրման պահից:

 

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՆՐԱՅԻՆ
      ԾԱՌԱՅՈՒԹՅՈՒՆՆԵՐԸ ԿԱՐԳԱՎՈՐՈՂ
              ՀԱՆՁՆԱԺՈՂՈՎԻ ՆԱԽԱԳԱՀ`                                                 Ռ. ՆԱԶԱՐՅԱՆ

 

 

      ք  Երևան
25 նոյեմբերի 2015թ.
       ժամը 1600