600.0286.27.05.08

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՀԱՆՐԱՅԻՆ ԾԱՌԱՅՈՒԹՅՈՒՆՆԵՐԸ ԿԱՐԳԱՎՈՐՈՂ ՀԱՆՁՆԱԺՈՂՈՎ

ՈՐՈՇՈՒՄ

27 մայիսի  2008 թվականի №286Ա
քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՆՐԱՅԻՆ ԾԱՌԱՅՈՒԹՅՈՒՆՆԵՐԸ ԿԱՐԳԱՎՈՐՈՂ ՀԱՆՁՆԱԺՈՂՈՎԻ 2006 ԹՎԱԿԱՆԻ ՍԵՊՏԵՄԲԵՐԻ 15-Ի  №202Ա ՈՐՈՇՄԱՆ ՄԵՋ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ

 Հիմք ընդունելով «Էլեկտրոնային հաղորդակցության մասին» Հայաստանի Հանրապետության օրենքի  5-րդ հոդվածի 1-ին մասի 2-րդ կետի բ) ենթակետը, 6-րդ հոդվածի 1-ին մասը  և 2-րդ մասի 1-ին կետը, «Իրավական ակտերի մասին» Հայաստանի Հանրապետության օրենքի 70-րդ հոդվածի 5-րդ մասը` Հայաստանի Հանրապետության հանրային ծառայությունները կարգավորող հանձնաժողովը որոշում է.

1. Հայաստանի Հանրապետության հանրային ծառայությունները կարգավորող հանձնաժողովի 2006 թվականի սեպտեմբերի 15-ի «ԱրմենՏել» փակ բաժնետիրական ընկերությանը ռադիոհաճախականությունների օգտագործման թույլտվություն տրամադրելու մասին» N202Ա որոշմամբ հաստատված «ԱրմենՏել» փակ բաժնետիրական ընկերության ռադիոհաճախականությունների օգտագործման №0019 թույլտվության պայմանների`

1)   3.1 կետի բ) ենթակետը «Տավուշի» բառից հետո լրացնել «,Վայոց ձորի, Սյունիքի» բառերով.

2)  3.1 կետի դ) ենթակետում «49» թիվը փոխարինել «80» թվով.

3)  3.1 կետի ե) ենթակետի աղյուսակը լրացնել հետևյալ բովանդակությամբ 50-80-րդ տողերով.

4)  3.1 կետի ժ)  ենթակետի աղյուսակը լրացնել հետևյալ բովանդակությամբ 50-80-րդ տողերով.

• 3-րդ գլուխը 3.19 կետից հետո լրացնել հետևյալ բովանդակությամբ 3.20, 3.21, 3.22, 3.23 կետերով.

«3.20  Լիցենզավորված անձը պարտավոր է ռադիոհաճախականություններն օգտագործել այնպես, որ վնասակար ազդեցություն չունենա այլ անձանց ռադիոհաճախականությունների օրինական օգտագործման վրա։

3.21 Թույլտվության պայմանների 3.20 կետի խախտման դեպքում Հանձնաժողովը կարող է փոփոխություն կատարել թույլտվության մեջ։

3.22 Լիցենզավորված անձը պարտավոր է յուրաքանչյուր բազային կայանը շահագործման ընդունելուց առաջ Հանձնաժողով ներկայացնել կապի գծով քաղաքաշինության փաստաթղթերի մշակման լիցենզիա ունեցող անձանց կողմից մշակված  բազային կայանների տեխնիկական նախագծերը` երկու օրինակից։

3.23 Թույլտվության պայմանների 3.22 կետով նախատեսված տեխնիկական նախագծերի ներկայացումից հետո Թույլտվության պայմանները կարող են փոփոխվել։».

• «Գործունեության վայրը» տողը «Տավուշի» բառից հետո լրացնել «,Վայոց ձորի, Սյունիքի» բառերով։

2. Սույն որոշումն ուժի մեջ է մտնում ստորագրման պահից։

 ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՆՐԱՅԻՆ
         ԾԱՌԱՅՈՒԹՅՈՒՆՆԵՐԸ ԿԱՐԳԱՎՈՐՈՂ
             ՀԱՆՁՆԱԺՈՂՈՎԻ ՆԱԽԱԳԱՀ՝                      Ռ. ՆԱԶԱՐՅԱՆ

     ք. Երևան
27 մայիսի 2008թ.
    ժամը 16⁰⁰